من مذكرات طالب ثانيه ثانوي بعد امتحان التفاضل
ابني رجع من امتحان التفاضل بتاع ثانيه ثانوي وقعد جنبي وقالي :
” ماما …”
_ ورغم اني مش عايزاه يقولي يا ماما كفايه يقولي يا طنط مثلا ولا يا خالتي _ الا انني استمعت اليه يمكن يكون عايز يشتكي من صعوبه الامتحان اللي وراني منه مسأله وبصراحه مافهمتش هما عايزين منها ايه .
” هو ايه اللي يحصل لو جبنا ولاعه مليانه غاز وولعناها وحطيناهها وهي مولعه جوه فريزير التلاجه ؟ مش كل حاجه لها نقطه انصهار ونقطه تجمد ؟ يبقي ممكن جدا ان النار دي تتجمد وبكده يبقي عندنا منتج عبقري جدا نار متجمده وممكن تجيب ولاعات كتيره بقي ونجمد النار اللي فيها ولما النار دي تتجمد ممكن نطلعها من الولاعه ونجمد جزء غيرها والنار اللي طلعناها دي نحفظها مجمده في ترامس صغيره بحيث لو الواحد احتاج للنار في اي لحظه يبقي بدل ما يولع كبيرت لو في حته مافيش فيها
